Nauðsynlegt er að á reitnum verði gert ráð fyrir tveimur fjölbýlishúsum fyrir 60 ára og eldri, með bílakjallara og útibílastæðum, m.a. fyrir gesti. Það yrðu annars vegar eignaíbúðir og hins vegar leiguíbúðir á vegum Akureyrarbæjar. Af reitnum er stutt í sundlaug, heilsugæslu og í félagsmiðstöðina Sölku. Þá verður stuðningsþjónustan í næsta nágrenni. Æskilegt væri að fá hreystitæki fyrir alla aldurshópa á reitinn. F.h. stjórnar Félags eldri borgara á Akureyri. Hallgrímur Gíslason, formaður.
Gæta þarf þess að byggt verði ekki of þétt og að svæðið verði vinsamlegt umhverfissálfræðilega séð. Mikill skortur er á íbúðum fyrir 60+.
Góðan dag. Þakka þér kærlega fyrir að taka þátt í hugmyndasöfnun um tjaldsvæðisreitinn. Álit þitt skiptir miklu máli. Umsagnafresti er nú lokið en alls bárust 12 hugmyndir í gegnum samráðsvettvanginn Okkar Akureyri. Innsendar tillögur hafa verið flokkaðar eftir efnisflokkum og sendar á skipulagshönnuði sem vinna nú að drögum að vinnslutillögu um svæðið. Tillögurnar voru einnig kynntar á fundi skipulagsráðs þann 1. mars sl.
Allar ábendingar og hugmyndir koma til skoðunar og umræðu í þeirri vinnu sem framundan er. Á næstu vikum verður vinnslutillaga lögð fram til kynningar en þá gefst íbúum aftur kostur á að senda inn ábendingar. Við hvetjum alla til þess að fylgjast áfram með þessu spennandi verkefni á akureyri.is – skipulag í vinnslu.
This content is created by the open source Your Priorities citizen engagement platform designed by the non profit Citizens Foundation