Auka vægi sjálfbærni- og umhverfismenntunar í námi. Sjálfbærni er einn af grunnþáttum menntunar og áhersla í öllu námi í Kópavogi. Sjálfbærni krefst þess að við leitumst við að mæta þörfum samtíðar án þess að skerða möguleika komandi kynslóða til að mæta sínum þörfum. Áhersla á sjálfbærni kallar sömuleiðis á getu til að hugsa hnattrænt og leita lausna á sameiginlegum viðfangsefnum. Leitast verður við að auka áherslu á sjálfbærni- og umhverfismennt í öllu námi og útfærðar leiðir til að samtvinna sjálfbærni inn í allt nám, skólabrag og menningu á vinnustöðum undirstofnana menntasviðs.
Það er að mínu mati mikilvægt að samþætta við þjónustu við heimilin. Til lítils að hafa skólana plastlausa og senda svo plast afur heim í almennt rusl. Hafa alvöru flokkanir í skólunum og uppfræða okkur foreldrana sem kannski minna kunna en börnin til að styðja betur við. Hafa nám verklegt, skilja hvernig maturinn verður til, ekki fókusa bara á rusl heldur leggja líka áherslu á efnisnotkun, föt og framleiðsluferla. Leggja áherslu á jakvæða neytendahegðun og hvaða áhrif hún getur haft.
Koma á hringrásarhagkerfi milli heimila og skóla, á heimilum safnast kannski upp ýmsir hlutir sem skólinn gæti nýtt eins og bækur, spil og föndurvörur sem gætu gengið í endurnýjun lífdaga í skólanum.
This content is created by the open source Your Priorities citizen engagement platform designed by the non profit Citizens Foundation